Халықаралық “Азия дауысы” фестивалінің лауреаты Серік Көшкінбаевтың шығармашылық кеші өтеді

27 сәуір сағат 17:00-де “Шалқыма” концерт залында “Азия дауысы” I Халықаралық фестивалінің лауреаты, аты аңызға айналған “Роксонаки” тобының солисі Серік Көшкінбаевтың “Бес ғасыр жырлайды» атты шығармашылық кеші өтеді.

Кешке Тәттімбет атындағы академиялы Қазақ халық аспаптар оркестрі, дирижерлер – Мәдениет саласының үздігі Ерлан Бақтыгерей және халықаралық байқаулардың лауреаты Әбілқайыр Сағымбаев. Нұрбота Көшкінбаев, Гүлнар Жұмаева және Қали Байжанов атындағы концерттік бірлестіктің солистері қатысады деп жоспарлануда. «Құлақтан кіріп, бойды алар» есті ән естігілеріңіз келсе, кешке келіңіздер!