Кеншілер мәдениет сарайында Қ.Байжанов атындағы концерттік бірлестіктің ұйымдастыруымен Қазақстан Республикасының Мәдениет қайраткері Меруеш Башайқызының «Саған халқым» атты Қарағанды облыстық мәслихаттың 30 жылдығына   арналған концерттік кеші өтті. Кешке арнайы облыс әкімінің орынбасары Әлібек Әлденей, облыстық мәслихат төрағасы Нұркен Кобжанов, қала әкімі Мейрам Кожухов, Дүниежүзі қазақтарының қауымдастығы төрағасының орынбасары Жәнібек Лесбеков, «Отандастар» қорының өкілі Қалыбек Қобландин бастаған біршама зиялы қауым өкілдері қатысты. Сонымен қатар, Моңғолия мен Қытайдан да құрметті қонақтар болды.
 

Кеше кеншілер шаһарында Қазақстанның Халық артисі, Мемлекеттік сыйлықтың лауреаты, әнші Жүсіпбек Елебеков атындағы IX Республикалық дәстүрлі әндер орындаушыларының байқауы басталды. Биылғы байқау ұлт өнерінің жарық жұлдызына айналған тұлғаның 120 жылдығымен тұспа-тұс келіп отыр.