ҚазССР-нің еңбек сіңірген әртісі, халық әртісі Зәбира Жұбатоваға арналған ескерткіш тақтасы ашылды.

Сарыарқаның әнші қызы, қазақ бұлбұлы Зәбира Жұбатованың тұрған үйіне ескерткіш тақтасы қойылды. Зәбира Қыдырәліқызы Қарағандының Қ.Байжанов атындағы концерттік бірлестігінің негізін қалаушы, атақты әнші. Ол бар болғаны 24 жасында еңбек сіңірген әртіс атағын алған. Бүкіл саналы ғұмырын Қарағанды филормониясына арнаған. Әншінің дауысы алтын қорда сақталған. Әлиханов көшесіндегі 38/2 үйде З.Жұбатованың суреті ілініп, келер ұрпаққа аманат етіп тапсырылды. Өнер саңлағы ел есінде мәңгілікке қалады!